«Bo roznyja Netfliki nastupajuć» — ciapier aktualnyja videakanały, a nie kłasičnaje TV
«Z punktu hledžańnia sučasnych debataŭ vakoł telebačańnia i televizijnaha praduktu, nie tak užo i važna, budzie niejki kanał na sputniku ci ŭ kabielnych sietkach, — piša ŭ siabie ŭ fejsbuku Aleś Hierasimienka, daktarant-biełarus, jaki navučajecca ŭ Brytaniii. — U Brytanii, naprykład, samaja hałoŭnaja prablema i vyklik dla TV - jak dastukacca da maładziejšaj aŭdytoryi, jakaja nie toje što nie hladzić televizar, navat kampjutaram pierastaje karystacca.
I voś brytancy kažuć, što hałoŭny vyklik dla BBC — pierajści na inšyja płatformy, kab być dastupnym adnačasova i na mabilnych pryładach, i na kampach, i ŭvohule na ŭsim, praz što možna vyjści ŭ internet. Tolki tady, kažuć jany, budzie niejki sens va ŭtrymańni hramadzkaha telebačania ci, jak jaho tam zavuć, Public Service Broadcasting. Bo roznyja Netfliki nastupajuć. I, mahčyma, chutka pryjdzie dzień, kali bolšaść aŭdytoryi budzie hladzieć u prajm-tajm netflix, a nie «kłasičnaje» TV.
Było b dobra, kab i ŭ Biełarusi narešcie źjaviŭsia biełaruski videapradukt, dastupny na roznych płatformach, jaki b zmoh dastukacca i da maładziejšaj aŭdytoryi», — zaklučaje Hierasimienka.