Kučma padaryŭ Łukašenku knihu Makijavieli, a ŭ adkaz atrymaŭ pieŭnia
Alaksandr Łukašenka 22 śniežnia pravioŭ sustreču eks-prezidentam Ukrainy Leanidam Kučmam. Aficyjnaj pryčynaj sustrečy źjaŭlajucca minskija pieramovy kantaktnaj hrupy pa ŭrehulavańnia kanfliktu na ŭschodzie Ukrainy, a taksama 25-hodździe ŭstalavańnia dypłamatyčnych adnosin pamiž našymi krainami.
«Kab ludzi bačyli, što žyćcio praciahvajecca», — skazaŭ Kučma.
«I my zastajemsia siabrami», — dadaŭ Łukašenka.
Taksama kiraŭnik Biełarusi padnios ukrainskamu hościu padarunak na Novy hod. Łukašenka padaravaŭ cacačnaha pieŭnia — simvał nastupnaha hoda pa kitajskim kalendary.
«Tabie jak prezidentu daru na ščaście biełaruskamu i ŭkrainskamu narodu», — prakamientavaŭ Łukašenka.
U svaju čarhu ad Kučmy lidar Biełarusi atrymaŭ zbor tvoraŭ italjanskaha fiłosafa Nikoła Makijavieli, aŭtara tvora «Uładar».
«O, Makijavieli! Hanarova», — zaŭśmichaŭsia Łukašenka.
«Prosta vybitnaja kniha», — adkazaŭ jamu Kučma.
«Kali ščyra, to ja nie tolki načuty, ale i pa dyjahanali prahladzieŭ», — pryznaŭsia kiraŭnik Biełarusi.