Biełarusam, jakija nie spłociać adziny padatak, na pieršy raz darujuć
Dla fizičnych asob, jakija zajmajucca biznesam biez rehistracyi IP, ale «zabyvajuć» svoječasova zapłacić adziny padatak, padatkaviki z nastupnaha hoda zrobiać pasłableńnie.
Pra heta raspavioŭ načalnik hałoŭnaha ŭpraŭleńnia padatkaabkładańnia fizičnych asob MPZ Michaił Rasolka, pieradaje BIEŁTA.
Ciapier biełarusy, jakija ažyćciaŭlajuć dziejnaść biez rehistracyi IP, ale nie ŭnosiać svoječasova adziny padatak, pavinny vypłacić za parušeńnie zbor u 5-kratnym pamiery. Ale z nastupnaha hoda nie buduć karać adrazu.
«Ad 2017 hoda praduhledžvajucca niekatoryja pasłableńni ŭ hetaj častcy: u vypadku ŭstanaŭleńnia fakta ažyćciaŭleńnia dziejnaści biez vypłaty adzinaha padatku ŭ pieršy raz budzie prymianiacca staŭka z kaeficyjentam 1, a ŭ vypadku paŭtornaha parušeńnia na praciahu hoda — z kaeficyjentam 5», — patłumačyŭ Michaił Rasolka.