Dva hady kałonii-pasialeńnia atrymaŭ palaŭničy, jaki zastreliŭ rybaka, pryniaŭšy jaho za babra
Dva hady pazbaŭleńnia voli ŭ kałonii-pasialeńni atrymaŭ 44-hadovy žychar Bresta za toje, što pa nieaściarožnaści zastreliŭ čałavieka, paviedamili TUT.BY u sudzie Małaryckaha rajona.
Niaščasny vypadak adbyŭsia 20 žniŭnia kala vioski Małyja Darapiejevičy Małaryckaha rajona.
Jak paviedamlałasia raniej, u momant zdareńnia paciarpieły łaviŭ rybu z vykarystańniem sietak razam sa svajakami. Pa słovach blizkich, jany spałochalisia hukaŭ aŭtamabilaŭ, jakija prajazdžali pobač, i schavalisia za ŭzvyššam, miarkujučy, što heta inśpiektary pryrodaachovy. Mužčyna zastaŭsia ŭ vadzie.
Adzin z kiroŭcaŭ transpartnych srodkaŭ zrabiŭ streł u kirunku paciarpiełaha. Paśla hetaha jon padyšoŭ da bieraha i, kali ŭbačyŭ, što streliŭ u čałavieka, uciok ź miesca zdareńnia.
Padazravanaha zatrymali supracoŭniki orhanaŭ unutranych spraŭ u Breście toj ža nočču. Padčas dohladu ŭ jaho kanfiskavali palaŭničuju strelbu «Sabaci». Pa słovach padślednaha, jon dumaŭ, što stralaŭ u babra. Mužčyna ŭ toj dzień mieŭ dazvoł na zdabyču vadapłaŭnych ptušak. Zahinuły naradziŭsia ŭ Darapiejevičach Małaryckaha rajona, pražyvaŭ u Breście.
15 śniežnia sud Małaryckaha rajona pryznaŭ mužčynu vinavatym pa č. 1 art. 144 KK i prysudziŭ da dvuch hadoŭ pazbaŭleńnia voli ŭ kałonii-pasialeńni. Abvinavačanaha taksama pazbavili na piać hadoŭ prava zajmacca palavańniem, a taksama abaviazali vypłacić na karyść čatyroch svajakoŭ zahinułaha 28 tysiač rubloŭ maralnaj škody.
Prysud nie ŭstupiŭ u zakonnuju siłu i moža być abskardžany.