Paśla šaścihadovaha pierapynku Michałok sabraŭ anšłah u Minsku
Kancert prajekta «Lapis 98» prajšoŭ 30 śniežnia ŭ Prime Hall.
«Lapis» pačaŭ vystup biez razahrevu. Dy jon i nie patrabavaŭsia. «Jeŭpatoryja», «Sočy», «Au», «Ty kinuła», «Miacielica», «Jabłyni». Moładź šaleła na tancplacoŭcy, a niekalki žančyn «z načosam» prytupvali nožkaj u takt, siedziačy na skuranych kresłach u vip-zonie. A kali zajhraŭ prypieŭ pieśni «Zielenohłazoje taksi» navat zdałosia, što niekatoryja hledačy puścili ślazu.
Nastupny kancert — 13 studzienia, a 8 sakavika ŭ Minsk-Arenie vystupić Brutto.