Siem vypadkovych aryštavanych zastajucca za kratami
KDB vypuściŭ ź izalatara troch aktyvistaŭ apazycyi, jakija mieli vidavočnaje alibi.
Jakim budzie los inšych zatrymanych: Viktara Laščynskaha, Sieržuka Čysłava, Mirasłava Łazoŭskaha, Ihara Korsaka, Antona Kojpiša, Illi Bohdana i Taciany Pikun.
Niahledziačy na zajavy A. Łukašenki ab tym, što ŭ suviazi z vybucham 4 lipienia nia budzie novaj chvali represijaŭ suprać praciŭnikaŭ ułady, mienavita apazycyjaneraŭ padazrajuć u arhanizacyi vybuchu i zatrymlivajuć u pieršuju čarhu. Na hety momant u izalatarach zastajucca 7 aktyvistaŭ apazycyi. Nijakich inšych versijaŭ zdareńnia 4 lipienia na kancercie z udziełam A. Łukašenki dahetul nie ahučana.
Pravaabaroncy nazvali dziejańni biełaruskich uładaŭ palityčnym teroram. Prezydyjum Palitrady Abjadnanych demakratyčnych siłaŭ na terminovym pasiedžańni ŭchvaliŭ zajavu z patrabavańniem vyzvalić usich zatrymanych aktyvistaŭ apazycyi. Lidery ADS patrabujuć taksama sustrečy z hieneralnym prakuroram i adstaŭki kiraŭnictva KDB i nie vyklučajuć, što va ŭmovach uzmacnieńnia represijaŭ abvieściać bajkot parlamenckim vybaram.
Apazycyja zaklikała 14 lipienia a 18 hadzinie vyjści na Kastryčnickuju płošču ŭ Miensku na znak salidarnaści z zatrymanymi aktyvistami demakratyčnaha ruchu pa spravie vybuchu 4 lipienia.