Zelcer nie paddajecca
Amerykanski hramadzianin Emanuił Zelcer i jahony advakat Źmicier Haračka zaviaršyli aznajamleńnie z kryminalnaj spravaj, jakuju viali suproć E.Zelcera ŭ KDB.
Emanuił Zelcer |
Samu spravu advakat nie kamentuje, spasyłajučysia na toje, što joj nadadzieny status dziaržaŭnaj tajamnicy. A voś što miarkuje Emanuił Zelcer paśla vyvučeńnia spravy:
«Jaho pazycyja zastałasia niaźmiennaj: jon siabie ni ŭ čym nie pryznaje vinavatym i kaža, što sprava całkam sfalšavanaja», — skazaŭ Źmicier Haračka.
Pavodle advakata, zaraz spravu vyvučajuć u Hieneralnaj prakuratury. «Vierahodna, užo ŭ sieradu‑čaćvier stanie viadoma, u jaki sud jana budzie nakiravanaja», — skazaŭ advakat Źmicier Haračka.
U KDB Biełarusi paćvierdzili, što sprava Emanuiła Zelcera dasłanaja ŭ Hieneralnuju prakuraturu, adkul jaje musiać nakiravać u sud.
Nahadajem, advakat z ZŠA Emanuił Zelcer byŭ aryštavany 12 sakavika ŭ Miensku, kudy jon prylacieŭ nibyta ŭ spravach, źviazanych sa spadčynaj niabožčyka hruzinskaha aliharcha Badry Patarkacyšvili. E. Zelcera KDB Biełarusi abvinavačvaje ŭ padrobcy dakumentaŭ, niezakonnych aperacyjach z narkotykami i kamercyjnym špijanažy. Jość źviestki, što padčas dopytaŭ u KDB da hramadzianina ZŠA ŭžyvali fizyčnuju siłu.