U Maładziečnie ŭstanavili pomnik Janu Paŭłu II

Jaho aśviaciŭ u niadzielu mitrapalit Tadevuš Kandrusievič.

Pad viečar 13 lipienia 2008 h. Mitrapalit Minska-Mahiloŭski arcybiskup Tadevuš Kandrusievič razam z Apostalskim Nuncyjem u Biełarusi arcybiskupam Marcinam Vidavičam i šmatlikimi śviatarami, u prysutnaści pradstaŭnikoŭ dziaržaŭnaj ułady celebravaŭ śviatuju Imšu ŭ parafii Sv. Juzafa ŭ Maładziečnie. Padčas Liturhii arcybiskup Tadevuš taksama aśviaciŭ pomnik Słuzie Božamu Janu Paŭłu II.

U svajoj hamilii Mitrapalit Tadevuš nahadaŭ prysutnym pra postać Vialikaha Papy Jana Paŭła II i jaho zaklik — nie bajacca i adčynić dźviery Chrystu. Arcybiskup Tadevuš taksama vykazaŭ upeŭnienaść u tym, što pomnik Słuzie Božamu Janu Paŭłu II budzie nahadvać ludziam nie tolki pra hetaha vialikaha hramadzianina sučasnaha śvietu, ale taksama pra jaho zaklik adčynić dźviery svajho serca Chrystu, bo tolki tady čałaviek zmoža da kanca paznać siabie i iści šlacham zbaŭleńnia.

Paśla śviatoj Imšy minski chor «Pałanez» i Varšaŭski ansambl «Bene» vykanali muzyčnyja tvory ŭ honar śviatoj pamiaci Jana Paŭła II

Kamientary da artykuła