MUS raźmierkavała pa abłaściach kvoty na biežancaŭ
MUS vyznačyła kvoty na pradastaŭleńnie statusu biežancaŭ u hetym hodzie. Pastanova «Ab ustanaŭleńni raźmierkavalnych kvot rehistracyi chadajnictvaŭ ab nadańni statusu biežanca abo dadatkovaj abarony ŭ Respublicy Biełaruś na 2017 hod» była apublikavana 20 studzienia na Nacyjanalnym pravavym internet-partale.
Zhodna z dakumientam, u 2017 hodzie dla padraździaleńniaŭ pa hramadzianstvie i mihracyi ŭpraŭleńniaŭ unutranych spraŭ abłasnych vykanaŭčych kamitetaŭ praduhledžany nastupnyja raźmierkavalnyja kvoty rehistracyi chadajnictvaŭ ab nadańni statusu biežanca abo dadatkovaj abarony ŭ Biełarusi.
— Bresckaja vobłaść — 135 čałaviek;
— Viciebskaja vobłaść — 170 čałaviek;
— Homielskaja vobłaść — 170 čałaviek;
— Hrodzienskaja vobłaść — 95 čałaviek;
— Minskaja vobłaść — 115 čałaviek;
— Mahiloŭskaja vobłaść — 115 čałaviek.
Takim čynam, u 2017 hodzie ŭ Biełarusi status biežanca mohuć atrymać 800 čałaviek. Heta na 400 čałaviek mienš, čym ŭ 2016 i 2015 hadach. A voś u 2013 i 2014 kvoty było našmat mienš - usiaho 220 čałaviek.
ES vydzialaje Biełarusi 7 młn jeŭra na budaŭnictva mihracyjnych centraŭ na 30-50 čałaviek. Jak paviedamili ŭ MUS, razmova idzie ab raźmiaščeńni ŭ centrach tolki zamiežnikaŭ — niezakonnych mihrantaŭ, zatrymanych u Biełarusi, siryjskija albo inšyja ŭciekačy ź ES u ich raźmiaščacca nie buduć.
Utrymańnie niezakonnych mihrantaŭ płanujecca ŭ pieryjad praviadzieńnia nieabchodnych pracedur, źviazanych ź identyfikacyjaj asoby i/abo departacyjaj.