Łukašenka pra mihracyjnyja centry: Nijakaha «adstojnika» u Biełarusi być nie pavinna
Kiraŭnik dziaržavy Alaksandr Łukašenka prakamientavaŭ temu stvareńnia ŭ Biełarusi centraŭ časovaha ŭtrymańnia mihrantaŭ. Adpaviednyja zajavy jon zrabiŭ siońnia pry zaćviardžeńni rašeńnia na achovu Dziaržaŭnaj miažy Biełarusi orhanami pahransłužby ŭ 2017 hodzie, piša BiełTA.
«U nas jość niejkija damovy ź ES pa mihracyi. Jany nibyta vydzialajuć nam srodki na dobraŭparadkavańnie miescaŭ znachodžańnia mihrantaŭ. Ja chacieŭ by pačuć vašu acenku ŭ hetym płanie i acenku našych damoŭlenaściej, dziejańniaŭ. Što na siońniašni dzień zroblena i što my budziem rabić?» — pacikaviŭsia kiraŭnik dziaržavy.
«Chaču heta skazać jašče tamu, što, znoŭ ža, u srodkach masavaj infarmacyi, ja hladžu, niekatoryja našy asabliva śviadomyja kryčać ab tym, što my ledź nie pieratvarajem Biełaruś u «adstojnik», - skazaŭ kiraŭnik dziaržavy. — Chaču papiaredzić, što nijakaha adstojnika ŭ Biełarusi być nie pavinna. Nam čužyja mihranty tut nie patrebnyja».
«Kali niechta ŭ hetym zacikaŭleny, to hrošy pavinny vyłučacca nie tolki pad stvareńnie padobnych punktaŭ i pasieliščaŭ dla niezakonnych mihrantaŭ, ale i ich dalejšuju ekstradycyju. Nam jany tut nie patrebnyja. Heta treba mieć na ŭvazie», — adznačyŭ Alaksandr Łukašenka.
«Tamu pakul my daloka ŭ hetym płanie nie zajšli, kali jość niejkija niebiaśpieki, my pavinny nieadkładna prypynić padobnyja pracesy. Kali heta nieabchodna», - reziumavaŭ kiraŭnik krainy.