U niadzielu — mokry śnieh i hałalodzica
Aranžavy ŭzrovień niebiaśpieki abjaŭleny ŭ Biełarusi 22 studzienia z-za hałalodzicy, paviedamili ŭ Biełhidramiecie.
U niadzielu budzie vobłačna z prajaśnieńniami. U asobnych rajonach mahčymyja nievialikija apadki (śnieh, mokry śnieh, dniom z daždžom), tuman, słaby hałalod. Na darohach čakajecca hałalodzica. Viecier prahnazujecca zachodni, paŭnočna-zachodni 4-9 m/s, dniom pa paŭnočnym uschodzie mahčymyja paryvy da 12 m/s.
Tempieratura pavietra nočču składzie 1-7 hradusaŭ marozu, dniom — ad minus 3 da plus 2 hradusaŭ.