Adchileny ad ułady prezident Hambii atrymaŭ prytułak u Ekvataryjalnaj Hviniei
U subotu Jachja Džame pakinuŭ Hambiju. Jon vylecieŭ u supravadžeńni prezidentaŭ Hviniei i Maŭrytanii, jakija byli harantami jahonaj biaśpieki. Inšym samalotam vylecieli jahonaja siamja i daradcy.
Džame kiravaŭ Hambijaj ad 1994 hoda. Niečakana jon prajhraŭ apošnija prezidenckija vybary. Spačatku jon pryznaŭ svaju parazu, ale praz tydzień pieradumaŭ i admoviŭsia addać uładu. Tady ŭ situacyju ŭmiašalisia susiednija krainy. Sieniehał i Nihieryja ŭviali ŭ krainu vojski, maleńkaja armija Hambii supracivu nie akazała. Paśla hetaha Džame pahadziŭsia z prapanovami pasiarednikaŭ z Zachodnieafrykanskaj ekanamičnaj supolnaści.