Minachovy zdaroŭja maje namier skaracić kolkaść nieabhruntavanych naviedvańniaŭ paliklinik i čas lačeńnia ŭ stacyjanarach
Adna ź pieršačarhovych zadač u achovie zdaroŭja na 2017 hod — na čverć skaracić kolkaść nieabhruntavanych naviedvańniaŭ paliklinik nasielnictvam, paviedamiŭ 25 studzienia na kalehii ŭ Minsku pieršy namieśnik ministra achovy zdaroŭja Dźmitryj Pinievič.
Pavodle jaho słoŭ, treba vyzvalić terapieŭtaŭ ad rucinnaj pracy. Heta zadača, jakuju pavinna vyrašyć pavyšeńnie jakaści kiravańnia pry akazańni pasłuh ambułatorna-palikliničnaha źviana, skazaŭ Pinievič.
Na dumku vice-premjera, byłoha ministra achovy zdaroŭja Vasila Žarko, mnohija pytańni pavinny być vyrašanyja jakasnymi kiraŭničymi mierami, naprykład, u častcy arhanizacyi pryjomu pacyjentaŭ, racyjanalnaha vykarystańnia kadraŭ, aptymizacyi pracoŭnaha miesca kožnaha śpiecyjalista, ukaranieńnia novych arhanizacyjnych technałohij. Jon padkreśliŭ, što asnoŭnyja narakańni nasielnictva na jakaść mieddapamohi skancentravanyja mienavita ŭ pieršasnym źvianie: čerhi ŭ paliklinikach, doŭhaje čakańnie pryjomu vuzkimi śpiecyjalistami, niaŭvaha z boku miedrabotnikaŭ.
«Z adnaho boku, my nie abmiažoŭvajem lik naviedvańniaŭ palikliniki, nie ŭstanaŭlivajem kryteryi abhruntavanaści naviedvańniaŭ lekara, zabiaśpiečvajem naŭprosty dostup pacyjenta da daktaroŭ-śpiecyjalistaŭ, — skazaŭ Žarko. — Ale, ź inšaha boku, jość prykłady niedastatkova vybudavanaj pracy administracyi paliklinik pa arhanizacyi pryjomu pacyjentaŭ».
Pry hetym čynoŭnik padkreśliŭ, što za adzin pryjom pavinien być zabiaśpiečany maksimum nieabchodnaj mieddapamohi. «Pacyjent nie pavinien chadzić z kabinieta ŭ kabiniet, prastojvać u čerhach, hublacca ŭ pryznačeńniach i rekamiendacyjach śpiecyjalistaŭ», — skazaŭ Žarko.
Akramia taho, vice-premjer źviarnuŭ uvahu na nieabchodnaść racyjanalnaha skaračeńnia łožkavaha fondu. «Zanadta doraha abychodzicca dziaržavie i padatkapłacielščykam utrymańnie niaprofilnych łožkaŭ, nieapraŭdanaje zaciahvańnie terminaŭ lačeńnia ŭ stacyjanarach, — skazaŭ jon. — Usio nieabchodnaje lačeńnie pavinna być praviedzienaje za minimalny, ale dastatkovy dla poŭnaj papraŭki čas».
Akramia taho, dadaŭ namieśnik premjer-ministra, treba «dakładna vyznačyć miažu pamiž miedycynskaj i miedyka-sacyjalnaj dapamohaj, raźvivać sietku balnic siastrynskaha dohladu, miedyka-sacyjalnych adździaleńniaŭ, pasłuh dla pažyłych hramadzian, akazańnie palijatyŭnaj dapamohi pacyjentam z zachvorvańniami nievylečnymi, jakija abmiažoŭvajuć praciahłaść žyćcia».