Dyzajniery stvaryli kartu śvietu, zamianiŭšy abaznačeńnie krain nazvami piesień
Brytanskaja studyja Dorothy prezientavała suśvietnuju kartu World Song Map, dzie abaznačeńni krain i haradoŭ zamienienyja na nazvy piesień, padychodziačyja pa sensie dla apisańnia kožnaha kankretnaha rehijonu, piša Birdinflight.
Naprykład, terytoryju Biełarusi aŭtary padpisali kampazicyjami «European Female» («Jeŭrapiejskaja žančyna») i «Sister Europe» («Siastra Jeŭropa»). Ukrainu paznačyli pieśniami «Rebirth of a Nation» («Adradžeńnie nacyi»), «War Zone» («Zona vajennych dziejańniaŭ») i «From Russia with Love» («Z Rasii ź luboŭju»). U liku piesień, jakimi paznačanaja Rasija, — «Back in USSR» («Nazad u SSSR»), «Wide Open Space» («Šyroki prastor») i «Empire State of Mind» («Impierski stan dušy»).
Terytoryja Vialikabrytanii atrymała nazvu ad pieśni Sex Pistols «Anarchy in the U. K» («Anarchija ŭ Złučanym karaleŭstvie»), Amieryka padpisanaja kampazicyjaj «Born in the USA» («Narodžanyja ŭ ZŠA»), a Mižziemnaje mora pakazanaje pieśniaj Pink Floyd «Wish You Were Here».
Usiaho aŭtary World Song Map źmiaścili na kartu bolš za 1 000 kampazicyj — aznajomicca ź joj u vysokim razroźnieńni možna tut.