Kačanava: Z Rasijaj byli i budziem blizkimi partniorami, chaj nie nahniatajuć
Biełaruś i Rasija zaŭsiody byli i buduć blizkimi partniorami. Ab hetym zajaviła kiraŭnik Administracyi prezidenta Biełarusi Natalla Kačanava ŭ čas sustrečy z kalektyvam AAT «Słucki cukrova-rafinadny kambinat».
Supracoŭniki kambinata zadali Natalli Kačanavaj pytańnie ab tym, jak paŭpłyvali na ŭzajemaadnosiny dźviuch krain prablemnyja situacyi, jakija adznačalisia apošnim časam (pa pastaŭkach praduktaŭ charčavańnia, naftahazavych pytańniach).
«Situacyja, jakaja składvajecca ŭ niekatorych pytańniach (biełaruska-rasijskich adnosin), viadoma, nas niepakoić. Bo my pracujem u ramkach intehracyjnych pahadnieńniaŭ, jakija padpisali, i pavinny ich prytrymlivacca, — skazała kiraŭnik Administracyi prezidenta. - Biełaruś zaŭsiody stroha vykonvała svaje abaviazacielstvy ŭ adnosinach da svaich partnioraŭ».
Kiraŭnik Administracyi prezidenta adznačyła, što Biełaruś i Rasija aktyŭna pracujuć nad vyrašeńniem isnujučych pytańniaŭ. «Litaralna ŭčora Uładzimir Siamaška byŭ u čarhovaj kamandziroŭcy. Pierahavory pradaŭžajucca», — dadała jana.
«Rasija - heta naš asnoŭny partnior, heta našy braty. My ciesna supracoŭničajem u ramkach intehracyjnych pracesaŭ. My byli i budziem blizkimi partniorami», — padkreśliła Kačanava.
Pavodle jaje słoŭ, u asobnych ŚMI razduvajuć isnujučyja pamiž krainami pytańni, uskładniajuć situacyju. «Hetaha nie pavinna być. Pa niekatorych pytańniach siońnia sapraŭdy isnujuć prablemy, nad vyrašeńniem jakich my pracujem samym surjoznym čynam», — reziumavała Natalla Kačanava.