Pad Minskam zahareŭsia ciepłavoz
Ciahnik Minsk—Adler z-za ŭzharańnia zrabiŭ avaryjny prypynak na stancyi Kaladzičy, paviedamiła BiełTA aficyjny pradstaŭnik Minskaha abłasnoha ŭpraŭleńnia MNS Kryścina Barejka.
«Paviedamleńnie ab uzharańni ciepłavoza pastupiła ŭ 12.50. Rabotniki MNS, jakija prybyli na miesca, ubačyli dym siaredniaj kancentracyi. Pavodle papiaredniaj infarmacyi, adbyłosia ŭzharańnie dyzielnaha ruchavika», — raspaviała Kryścina Barejka.
U vyniku ŭzharańnia paškodžany matorny adsiek i kuzaŭ ciepłavoza. «Pasažyrskija vahony byli adčeplenyja i adbuksavanyja na zapasny šlach. Nichto z pasažyraŭ nie paciarpieŭ. U 14.06 na stancyju Kaladzičy padali apieratyŭnuju zamienu, i sastaŭ praciahnuŭ ruch pa maršrucie», — adznačyła Kryścina Barejka.