Kačanava: Nijakich paboraŭ u škołach być nie pavinna
Nijakich paboraŭ u škołach być nie pavinna. Ab hetym zajaviła kiraŭnik Administracyi Prezidenta Biełarusi Natalla Kačanava ŭ čas sustrečy z kalektyvam AAT «Słucki cukrova-rafinadny kambinat».
«Vielmi stroha pastaŭlena patrabavańnie, i jano pavinna vykonvacca: nijakich paboraŭ z boku škoł, nastaŭnikaŭ być nie pavinna. Heta budzie karacca vielmi stroha, — padkreśliła Natalla Kačanava. — Dziaržava vydzialaje srodki na ŭtrymańnie navučalnych ustanoŭ. I kali chočuć baćki čym-niebudź dapamahčy, vychodziać ź inicyjatyvaj — heta adno, u advarotnym vypadku — nie pavinna być złoŭžyvańniaŭ u hetym pytańni».
Jak paviedamlałasia, Ministerstva adukacyi pryniało dźvie pastanovy, jakija raźmiažoŭvajuć funkcyi apiakunskaj rady i baćkoŭskaha kamiteta škoły, dziciačaha sada, liceja, kaledža. Baćkoŭski kamitet nie maje prava źbirać hrošy na patreby ŭstanovy adukacyi. Kali baćki chočuć pieraličyć hrošy škole, jany mohuć heta zrabić dobraachvotna tolki praz bank i pa ŭzhadnieńni z apiakunskaj radaj.