Ministr adukacyi anansavaŭ skaračeńnie terminaŭ navučańnia pa niekatorych śpiecyjalnaściach
Ministr adukacyi Ihar Karpienka padčas razmovy z žurnalistami anansavaŭ skaračeńnie terminaŭ navučańnia pa niekatorych śpiecyjalnaściach va ŭstanovach vyšejšaj adukacyi, paviedamlaje BiełTA.
«My pahladzieli terminy padrychtoŭki pa šerahu śpiecyjalnaściaŭ. Jość śpiecyjalnaści, pa jakich my možam rychtavać 4—4,5 hoda. Heta ŭžo ŭ praktycy ŭkaraniona», — skazaŭ Ihar Karpienka. Jon dadaŭ, što jość jašče kala 50 śpiecyjalnaściaŭ, dzie možna praduhledzieć pieravod na skaročany termin navučańnia, to bok, da 4—4,5 hadoŭ.
Tym nie mienš isnujuć śpiecyjalnaści, pa jakich pieravieści navučańnie na skaročany termin niemahčyma. Ministr pryvioŭ u prykład miedycynskija śpiecyjalnaści, śpiecyjalnaści dla jadziernaj enierhietyki, niekatoryja tvorčyja śpiecyjalnaści (naprykład, architektura, skulptura), dzie patrabujecca bolš praciahłaja padrychtoŭka. U novaj redakcyi Kodeksa ab adukacyi heta budzie zakładziena.