Žychar Minska prosić zabłakavać piać rasijskich šavinistyčnych resursaŭ
Žychar Minska Mikita Krasnakucki dasłaŭ zvarot u prakuraturu z prośbaj pravieści pravierku piaci rasijskich šavinistyčnych resursaŭ (stoletie.ru, zapadrus.su, politconservatism.ru, imperiyanews.ru i rumol.org) na pradmiet adpaviednaści normam ab niedyskryminacyi i niedapuščeńni raspalvańnia nacyjanalnaj varožaści.
U zvarocie aktyvist paznačyŭ, što ŭ niekatorych artykułach jon bačyć «adkrytaje i biespryncypovaje prynižeńnie svajho nacyjanalnaha honaru i hodnaści».
U pryvatnaści, u artykule «Biełorusskij puť» (Jury Barančyk, 07.05.2014), možna pračytać:
«Poetomu siehodnia russkije, proživajuŝije v Biełarusi i sostavlajuŝije 60—80% hraždan riespubliki, točno tak žie hotovy k vozvraŝieniju siebie statusa russkich, kak i žitieli Kryma i juho-vostoka [Ukrainy]».
«Raspaŭsiud hetych tekstaŭ u internecie raspalvaje nacyjanalnuju varožaść i viadzie da destabilizacyi i raskołu biełaruskaha hramadstva. Ja chacieŭ by, kab hetyja resursy byli zabłakavanyja», — adznačyŭ u kamientary «Našaj Nivie» Mikita Krasnakucki.
Nahadajem, što zahadam Ministerstva infarmacyi ad 23 studzienia byŭ zabłakavany dostup da šavinističnaha resursu «Sputnik i pohrom». Rašeńnie było pryniataje z ulikam ekśpiertnaha zaklučeńnia Respublikanskaj ekśpiertnaj kamisii.