Deputat Marzaluk: Roŭnaść dziaržaŭnych moŭ budzie ŭstaloŭvacca biez hvałtu i prymusu
Roŭnaść biełaruskaj i ruskaj moŭ budzie ŭstaloŭvacca biez hvałtu i prymusu, zajaviŭ žurnalistam staršynia kamisii Pałaty pradstaŭnikoŭ pa adukacyi, kultury i navucy Ihar Marzaluk 1 lutaha pierad pačatkam sumiesnaha pasiadžeńnia kiraŭnictva Ministerstva adukacyi i profilnych kamisij abiedźviuch pałat Nacyjanalnaha schodu.
«U Irłandyi taksama dźvie dziaržaŭnyja movy, ale bolšaść irłandcaŭ havorać pa-anhlijsku, i skalp nichto ź ich za heta nie zdymaje, — skazaŭ Marzaluk. — My budziem ŭstaloŭvać roŭnaść moŭ roŭna, spakojna. Naprykład, kali ŭ Minsku jość piać biełaruskamoŭnych himnazij, dla ich vučniaŭ pavodle aznačeńnia nie pavinna być prablem z pracoŭnymi sšytkami, padručnikami na biełaruskaj movie. Jany pavinny ŭ poŭnym abjomie atrymlivać usiu nieabchodnuju litaraturu na biełaruskaj movie ź dziaržaŭnych vydaviectvaŭ».
Pry hetym, dadaŭ Marzaluk, «svabodu vybaru movy navučańnia ŭ škole nichto nie admianiaŭ». Heta dalikatnaje pytańnie, asabliva z ulikam taho, što Biełaruś «pieražyła 200 hadoŭ rusifikacyi, a da taho była pałanizacyja».
Na pytańnie, ci ličyć jon nieabchodnym źjaŭleńnie biełaruskamoŭnaha ŭniviersiteta ŭ Biełarusi, Marzaluk adkazaŭ, što ŭ niekatorych VNU jość całkam biełaruskamoŭnyja śpiecyjalnaści — naprykład na histaryčnym fakultecie BDU.
«Kali my havorym pra jeŭrapiejskaść, davajcie na pieršy płan stavić svabodu vybaru čałavieka. Ništo tak nie adšturchvaje i nie vyklikaje alerhiju, jak prymus i hvałt u hetym vielmi dalikatnym pytańni. Naprykład iŭryt byŭ miortvaj movaj, movaj Tory, ale žadańnie ŭ sercach miljonaŭ jaŭrejaŭ zrabiła jaho žyvoj movaj, adradziła hetuju movu. Usio zaležyć ad žadańnia, samaje važnaje — heta mova serca», — skazaŭ Marzaluk.
Pavodle jaho słoŭ, kali pahladzieć na Biełaruś u histaryčnaj pierśpiektyvie, to «biełaruski nacyjanalny prajekt nadzvyčaj efiektyŭny i paśpiachovy». «Biełaruś za 100 hadoŭ prajšła ŭsie etapy ŭtvareńnia dziaržavy, stvoranaja nacyja, vysokaja intelektualnaja infrastruktura, kraina, dzie robiać najlepšyja ŭ śviecie kampjutarnyja hulni. U biełaruskich žurnalistaŭ, apazicyjnych i nie tolki, jość kompleks niepaŭnavartaści, smutku, płaču. My miž tym narmalnaja samadastatkovaja nacyja», — zajaviŭ deputat.