Ukrainski samalot abstralali nad Čornym moram z zachoplenych Rasijaj vyšak
Z zachoplenych Rasijaj buravych vyšak u Čornym mory abstralali transpartny samalot An-26 Uzbrojenych sił Ukrainy. Pra heta paviedamiŭ ministr abarony Ukrainy Ściapan Pałtarak u fejsbuku, piša »UP».
«Siońnia, 1 lutaha 2017 hoda, padčas ździajśnieńnia trenirovačnaha palotu ŭ vyklučnaj (marskoj) ekanamičnaj zonie Ukrainy, u rajonie Adeskaha hazavaha radovišča, z raniej zachoplenych Rasijskaj Fiederacyjaj buravych vyšak sa strałkovaj zbroi byŭ abstralany transpartny samalot Vajenna-marskich sił Uzbrojenych sił Ukrainy An-26», — napisaŭ ministr.
Pavodle jaho słoŭ, u vyniku abstrełu samalotu było naniesienaje paškodžańnie. Ekipaž samalota pry hetym nie paciarpieŭ, An-26 praciahnuŭ vykanańnie palotnaha zadańnia.
Akramia taho, paviedamiŭ Pałtarak, ekipaž vyjaviŭ i zafiksavaŭ pracu radyjołakacyjnaj stancyi Rasii ŭ aktyŭnym režymie, jakaja zvyčajna vykarystoŭvajecca dla naviadzieńnia rakiet sistem supraćpavietranaj abarony.
«Paśla viartańnia latalnaha aparata na aeradrom padčas vonkavaha ahladu pavietranaha karabla vyjaŭlena 3-santymietrovaja dzirka ad kuli — nastupstvy abstrełu samalota z strałkovaj zbroi», — paviedamiŭ kiraŭnik Minabarony Ukrainy.
Fota: pres-słužba Minabarony Ukrainy