Dni adkrytych dźviarej u EHU — z 25 pa 31 sakavika ŭ Vilni
Jeŭrapiejski humanitarny ŭniviersitet (EHU) zaprašaje staršakłaśnikaŭ pryniać udzieł u viasieńnich Dniach adkrytych dźviarej, jakija adbuducca z 25 pa 31 sakavika ŭ Vilni.
Štohod EHU zaprašaje biełaruskich staršakłaśnikaŭ pravieści viasiennija vakacyi z karyściu ŭ Vilni. Padčas viasieńnich vakacyj usie zacikaŭlenyja i matyvavanyja vučni starejšych kłasaŭ biełaruskich škołaŭ, himnazijaŭ i licejaŭ, a taksama navučency kaledžaŭ zmohuć biaspłatna adčuć sapraŭdnuju atmaśfieru navučańnia ŭ adpaviednaści ź jeŭrapiejskimi ŭniviersiteckimi tradycyjami. Pry rehistracyi da 5 lutaha biełaruskija staršakłaśniki atrymajuć biaspłatnuju vizavuju padtrymku dla ŭdzieła ŭ Dniach adkrytych dźviarej u EHU.
Žadajecie daviedacca ab vučobie ŭ EHU?
25 sakavika (subota) u navučalnym korpusie EHU u Vilni abudziecca vystava bakałaŭrskich prahram EHU i sustreča z administracyjaj, padčas jaje vy zmožacie zadać pytańni vykładčykam, administracyi, studentam i vypusknikam. My imkniemsia da zabieśpiačeńnia indyvidualnaha padychodu, tamu kožny abituryjent atrymlivaje maksimalnuju ŭvahu.
Žadajecie stać studentam EHU na ceły tydzień?
Skarystajciesia ŭnikalnaj mahčymaściu — z 27 pa 31 sakavika (na ceły tydzień) stańcie studentam bakałaŭryjata EHU. Vy zmožacie volna naviedvać lekcyi i sieminary pa abranych kursach, pabačyć jak studenty EHU žyvuć, vučacca i baviać volny čas u Vilni, naviedać ekskursiju pa Starym horadzie Vilni dy pryniać udzieł u admysłovaj kulturnaj prahramie.
Žadajecie daterminova zdać ustupnyja ispyty?
25 sakavika abituryjenty zmohuć zdać ispyt pa zamiežnaj movie, a 26 sakavika — ispyty pa ese i kampazicyi (tolki dla prahramy «Vizualny dyzajn i miedyja»). Rezultatami ispytaŭ vy zmožacie skarystacca pry pastupleńni ŭ EHU u 2017 hodzie.
Važna! Rehistracyja ŭdzielnikaŭ adbyvajecca pa spasyłcy. Apošni dzień rehistracyi dla tych, kamu nieabchodna vizavaja padtrymka — 5 lutaha (uklučna), dla tych, kamu vizavaja padtrymka nie patrebna — 22 sakavika (uklučna).
Biaspłatnaja adnarazovaja Šenhienskaja viza pradstaŭlajecca tolki dla abituryjentaŭ, jakija źjaŭlajucca na dadzieny momant vučniami škołaŭ i kaledžaŭ.
Dla ŭsich astatnich udzielnikaŭ EHU ažyćciaŭlaje padtrymku ŭ formie paskoranaj padačy zajavy pa atrymańni vizy. U takim vypadku ŭdzielnikam ź Biełarusi budzie nieabchodna samastojna apłacić konsulski ŭniosak u pamiery €60. Udzielnikam Dniej adkrytych dźviarej hetaksama nieabchodna samastojna pakłapacicca ab vydatkach na pražyvańnie i prajezd.