Rasija ŭstanaviła pamiežnuju zonu na miažy ź Biełaruśsiu
Na miažy Rasii ź Biełaruśsiu ŭstanoŭlenaja pamiežnaja zona. Takoje rasparadžeńnie addaŭ dyrektar FSB Alaksandr Bortnikaŭ. Rašeńnie pryniataje dla «stvareńnia nieabchodnych umoŭ achovy dziaržaŭnaj miažy RF», paviedamlaje «Interfaks».
Rehijanalnyja ŭpraŭleńni FSB u Smalenskaj, Pskoŭskaj i Branskaj abłaściach pavinny ŭstalavać na miažy papieradžalnyja znaki, a taksama vyznačyć čas i miesca ŭjezdu ŭ pamiežnuju zonu.
Prajekty zahadaŭ Bortnikava byli apublikavanyja na partale narmatyŭnych pravavych aktaŭ — dla Smalenskaj, Pskoŭskaj i Branskaj abłaściej. U ich paznačanyja dakładnyja kaardynaty, dzie pavinna być ustanoŭlenaja pamiežnaja zona.
Nahadajem, 9 studzienia Alaksandr Łukašenka padpisaŭ ukaz ab biaźvizavym ujeździe ŭ krainu na termin da piaci dzion praz Nacyjanalny aeraport Minsk dla hramadzian 80 dziaržaŭ, u tym liku ZŠA i krain ES.
{POLL#605}