Miniust ZŠA zastupiŭsia za mihracyjny ukaz Trampa
Ministerstva justycyi ZŠA vystupiła ŭ padtrymku mihracyjnaha ukaza prezidenta Donalda Trampa i zaklikała apielacyjny sud adnavić jaho dziejańnie ŭ intaresach nacyjanalnaj biaśpieki, piša Bi-bi-si.
U 15-staronkavym reziume, vykładać pazicyju ministerstva, havorycca, što ŭkaz — zakonnaje ažyćciaŭleńnie paŭnamoctvaŭ prezidenta, a nie zabarona na ŭjezd dla musulman.
Ministerstva justycyi nastojvaje, što vašynhtonski sud «dapuściŭ pamyłku, uvodziačy sudovuju zabaronu na dziejańnie ŭkazu».
Ukaz Trampa ŭvodziŭ časovuju zabaronu na ŭjezd u krainu biežancam i hramadzianam siami krain ź pieravažna musulmanskim nasielnictvam.
Rašeńnie prypynić dziejańnie było pryniata fiederalnym sudom u Sietle 4 lutaha. Sudździa rastłumačyŭ, što ŭkaz nie budzie mieć siły da taho času, pakul nie budzie razhledžany pazoŭ ab jaho admienie.
Prakuror Vašynhtona, jaki padaŭ pazoŭ, nastojvaŭ, što zabarona niekanstytucyjnaja i nanosić škodu intaresam štata.
Słuchańnie ŭ apielacyjnym sudzie ŭ San-Francyska pryznačana na aŭtorak.