U konkursie na pasadu rektara EHU sfarmiravany šort-list
U konkursie na pasadu rektara Jeŭrapiejskaha humanitarnaha ŭniviersiteta sfarmiravany šort-list, paviedamiŭ BiełaPAN kiraŭnik pa kamunikacyjach i markietynhu EHU Maksimas Miłta.
Usiaho było padadziena 29 zajavak ad pretendentaŭ, adnak Miłta admoviŭsia paviedamić vynikovuju kolkaść kandydataŭ sfarmiravanaha šort-lista, imiony pretendentaŭ, a taksama ci jość siarod ich hramadzianie Biełarusi. Pradstaŭnik EHU abhruntavaŭ heta tym, što infarmacyja pra kandydataŭ źjaŭlajecca kanfidencyjnaj.
«Pretendenty, jakija pahadzilisia ŭziać udzieł u konkursie, — skazaŭ Miłta, — biezumoŭna, pryniali hetaje rašeńnie, čakajučy, što ŭniviersitet zabiaśpiečyć vykanańnie pryncypaŭ pryvatnaści. U advarotnym vypadku ni adzin z mahčymych pretendentaŭ nie zmoh by brać udzieł u konkursie choć by tamu, što heta mahło b vyklikać kanflikt intaresaŭ u dačynieńni da jaho/iaje ciapierašniaha rabotadaŭcy».
Miłta adznačyŭ, što kamitet pa adbory «zdolny zabiaśpiečyć prazrystaść pracesu adboru pretendentaŭ». U skład kamiteta ŭvachodziać staršynia ahulnaha schodu suzasnavalnikaŭ EHU i prezident fondu «Jeŭrazija» Chortan Bibi-Sienter, prezident EHU Anatol Michajłaŭ, vykanaŭca abaviazkaŭ rektara EHU Jorhien Jorhiensien, člen sienata EHU, prezident studenckaha pradstaŭnictva EHU Hanna Filistovič i inš.
Vynikovaje rašeńnie ab pryznačeńni rektara budzie pryniata ahulnym schodam suzasnavalnikaŭ da kanca sakavika 2017 hoda.