Tramp padtrymaje ŭstupleńnie Čarnahoryi ŭ NATA nasupierak pratestam Rasii
Prezident ZŠA Donald Tramp padtrymaje vystup Čarnahoryi ŭ NATA. Zrabić takuju zajavu, jak stała viadoma Politico, Trampu ŭ najbližejšy čas prapanuje jaho daradca pa nacyjanalnaj biaśpiecy Majkł Flin.
Majkł Flin, Getty
Padtrymka ŭstupleńnia Čarnahoryi ŭ Paŭnočnaatłantyčny aljans, adznačaje vydańnie, stanie «hałoŭnaj pravierkaj» palityki administracyi Trampa ŭ dačynieńni da Maskvy.
Rasija, nahadvaje Politico, vielmi niehatyŭna stavicca da płanaŭ pa pašyreńniu NATA, u pieršuju čarhu, da ŭstupleńnia ŭ Aljans Čarnahoryi.
U Trampa jość mahčymaść zabłakavać pryniaćcie ŭ NATA novaha člena, bo takaja pracedura patrabuje adnahałosnaj padtrymki ŭsich krain, jakija ŭvachodziać u Aljans.