U Zakarpaćci zatrymany administratar antyŭkrainskich supołak u sacsietkach
Supracoŭniki Słužby biaśpieki Ukrainy (SBU) zatrymali ŭ Zakarpaćci administratara antyŭkrainskich supołak u sacsietkach. Pra heta paviedamlajecca na sajcie śpiecsłužby.
Žychar Užharada padazrajecca ŭ stvareńni fejkavych akaŭntaŭ i administravańni supołak, «dzie sistematyčna za rasiejskija hrošy raspaŭsiudžvaŭ antyŭkrainskija materyjały, dyskredytavaŭ ułady i prapahandavaŭ vajennuju ahresiju RF na ŭschodzie Ukrainy».
Padčas pieratrusu ŭ mužčyny kanfiskavali kampjutar. U dačynieńni da jaho raspačata kryminalnaja sprava pa častcy 2 artykuła 109 KK Ukrainy («Raspaŭsiud materyjałaŭ z zaklikami da hvałtoŭnaha źmianieńnia abo źviaržeńnia kanstytucyjnaha ładu ci da zachopu dziaržaŭnaj ułady»).