Arktyčny antycykłon «Eryka» pryniasie ŭ Biełaruś mocnyja marazy, ale ź cikavymi aptyčnymi źjavami
Pra heta paviedamiŭ BiełTA sinoptyk Dźmitryj Rabaŭ.
«Marazy ŭzmocniacca. Nadvorje budzie vyznačać arktyčny antycykłon «Eryka». Čarhovy raz spracuje ŭltrapalarny atmaśfierny praces. Pavietranyja masy, raspaŭsiudžvajučysia z terytoryi Karskaha mora, abumoviać vielmi chałodnaje nadvorje.
Dadatkovaje adčuvańnie choładu budzie stvarać mocny viecier. Tempieratura pa adčuvańniach budzie zdavacca na 5-7 hradusaŭ nižej faktyčnaj.
Chaładniej budzie pa paŭnočnym uschodzie krainy, trochi ciaplej pa paŭdniovym zachadzie, dzie adabjecca ŭpłyŭ frantalnaha padziełu. Na asobnych učastkach daroh čakajecca hałalodzica», — raspavioŭ sinoptyk.
Atmaśfierny cisk budzie vysokim. Nadvorje budzie spakojnaje maroznaje, pa paŭdniovym zachadzie krainy čakajucca nievialikija apadki ŭ vyhladzie słaboha śniehu.
Va ŭmovach nizkaj tempieratury, sonca i pavyšanaj vilhotnaści vialikaja imaviernaść źjaŭleńnia cikavych aptyčnych źjaŭ typu hało, iłžesoncaŭ, purpurovych zachodaŭ i śvietłavych słupoŭ.
U sieradu nočču tempieratura składzie minus 18-24, u paŭnočna-ŭschodnich rajonach Viciebskaj i Mahiloŭskaj abłaściej - 25-28 hradusaŭ marozu, pa paŭdniova-zachodniaj častcy krainy - 11-17 hradusaŭ nižej za nul. Dniom čakajecca minus 9-15. Budzie pieravažna biez apadkaŭ, tolki pa paŭdniovym zachadzie krainy čakajucca śnieh, słabaja miacielica.
U čaćvier nočču tempieratura składzie minus 9-16, pa paŭnočna-ŭschodniaj častcy krainy — 17-24 hradusaŭ marozu, pry prajaśnieńniach - 25-28 hradusaŭ nižej za nul. Dniom — minus 7-14, pa paŭnočnym uschodzie — da minus 16. Budzie pieravažna biez apadkaŭ, tolki pa paŭdniovym zachadzie krainy čakajecca karotkačasovy śnieh.
U piatnicu nočču tempieratura składzie minus 11-18, pry prajaśnieńniach - da minus 23, u paŭdniova-zachodnich rajonach - 9-10 hradusaŭ nižej za nul. Dniom prahnazujecca minus 5-12. Budzie pieravažna biez apadkaŭ, tolki nočču pa paŭdniovym zachadzie krainy čakajecca karotkačasovy śnieh.