Partyja BNF patrabuje adstaŭki Šunieviča i vyzvaleńnia zatrymanych padčas pratestaŭ
18 sakavika na upravie Partyi BNF prajšoŭ čarhovy sojm arhanizacyi. Jon byŭ pryśviečany biahučaj palityčnaj situacyi ŭ krainie i pa vyniku pryniaŭ zajavu z patrabavańniem spynić represii suprać udzielnikaŭ mirnych akcyj pratestu ŭ Biełarusi.
«Asablivaje abureńnie vyklikaje toj fakt, što bolšaść zatrymańniaŭ ažyćciaŭlajuć asoby ŭ cyvilnaj vopratcy, biez apaznavalnych znakaŭ supracoŭnikaŭ milicyi i biez pradjaŭleńnia słužbovych paśviedčańniaŭ, ź niematyvavanym užyvańniem hrubaj fizičnaj siły, u tym liku suprać žančynaŭ», — havorycca ŭ zajavie. —
U źviazku z vyšejpieraličanymi faktami, Sojm Partyi BNF patrabuje:
1. Spynić dziaržaŭnyja represii suprać ułasnaha narodu ŭ suviazi z realizacyjaj hramadzianam svajho prava na niehvałtoŭny pratest;
2. Skasavać uhruntavanyja na iłžeśviedčańniach pastanovy sudoŭ ab pakarańni ŭdzielnikaŭ mirnych pratestaŭ, nieadkładna vyzvalić usich administracyjna aryštavanych;
3. Rasśledavać usie vypadki niezakonnych i nieprafesyjnych dziejańniaŭ supracoŭnikaŭ milicyi ŭ cyvilnaj vopratcy padčas zatrymańniaŭ hramadzianaŭ dy pryciahnuć vinavatych da adkaznaści;
4. Adpravić u adstaŭku ministra ŭnutranych spravaŭ Ihara Šunieviča;
5. Zabiaśpiečyć zakanadaŭčyja i praktyčnyja harantyi realizacyi kanstytucyjnaha prava hramadzianaŭ Biełarusi na mirnyja schody i niehvałtoŭny pratest».