U Baranavičach previentyŭna zatrymali dvuch aktyvistaŭ
Na vychadzie z domu ranicaj 19 sakavika zatrymany baranavicki aktyvist prafsajuzu REP Ryhor Hryk.
Pra zatrymańnie jon paśpieŭ paviedamić pravaabaroncu Siarhieju Hoŭšu. Toj raspaviadaje: «Jon paśpieŭ mnie paviedamić, što zachop ździejśnili major Baranavickaha HAUS Kučenka Anton Alaksandravič i Patocki Rusłan Viktaravič pa zahadzie kiraŭnictva HAUS».
Pravaabaronca miarkuje, što zatrymańnie Hryka moža być źviazanaje z anansavanaj akcyjaj pratestu ŭ Baranavičach, jakaja maje adbycca a 16 hadzinie.
Paźniej byŭ zatrymany siabra partyi BNF Mikałaj Čarnavus-starejšy.
Hryka ŭžo zatrymlivali preventyŭna ŭ dzień akcyi «niedarmajedaŭ» u Miensku 15 sakavika. Tady Hryk ceły dzień pravioŭ u milicyi «na razmovie» z majoram.
Telefon Ryhora Hryka ciapier nie adkazvaje.