Biełaruś pradstavić na vystavie ŭzbrajeńniaŭ u Małajzii bieśpiłotniki i srodki baraćby ź imi
Šyrokuju liniejku bieśpiłotnych latalnych aparataŭ (BPŁA) pakažuć pradstaŭniki biełaruskaha VPK na mižnarodnaj vystavie avijacyjna-kaśmičnaj i vajenna-marskoj techniki «LIMA-2017», jakaja adkryvajecca 21 sakavika ŭ Małajzii. Adnačasova na biełaruskich stendach možna budzie paznajomicca z apošnimi raspracoŭkami srodkaŭ radyjoelektronnaj baraćby z BPŁA.
Svaje bieśpiłotniki na asobnym stendzie pradstavić «558-y Avijacyjny ramontny zavod» (Baranavičy, Bresckaja vobłaść), jaki źjaŭlajecca adnym ź lidaraŭ u vytvorčaści hetaha vidu pradukcyi ŭ krainie. Na vystavie možna budzie ŭbačyć taktyčnyja BPŁA samalotnaha typu «Biekard-1 (2)», «Kondar - 1 (2)», a taksama viertykalnaha ŭźlotu i pasadki (typu kvadrakoptar) - BPŁA «Šeršań».
Upieršyniu šyrokaj publicy na stendzie biełaruskaha pradpryjemstva budzie pradstaŭleny bieśpiłotny avijacyjny kompleks (BAK) «Maskit» (na fota), jaki byŭ raspracavany pa zamovie sił śpiecyjalnych apieracyj Uzbrojenych sił Biełarusi. Hety bieśpiłotnik nie patrabuje śpiecyjalnych placovak dla zapusku i pryziamleńnia, što dazvalaje vykarystoŭvać jaho vajskoŭcam sił śpiecyjalnych apieracyj u lubym stanoviščy, na luboj miascovaści pry vykanańni pastaŭlenych zadač jak u piešym paradku, tak i na technicy.
Biełaruski VPK aktyŭna siońnia pracuje i nad srodkami, jakija dazvalajuć niejtralizavać bieśpiłotnyja latalnyja aparaty. U suviazi z hetym, unikalnymi nazyvajuć raspracoŭki AAT «KB «Radar» pa stvareńni stancyj i kompleksaŭ radyjopadaŭleńnia radyjosuviazi, jakija buduć pradstaŭleny na «LIMA-2017». Cikavaść u śpiecyjalistaŭ vyklikaje stancyja radyjoelektronnaj baraćby ź bieśpiłotnymi latalnymi aparatami «Navalnica-S». «Admietnaściu dadzienaha ŭzoru źjaŭlajecca prymianieńnie technałohij spufinhu (padman), heta značyć, zdolnaść nie tolki parušać kanały suviazi bieśpiłotnika z kamandnym punktam, ale i padmanvać jaho srodki navihacyi», - adznačyli na pradpryjemstvie.
«Navalnica-S» zdolnaja vyjaŭlać lubyja BŁA, jakija majuć bartavyja srodki pieradačy dadzienych, ažyćciaŭlać radyjopadaŭleńnie linij kiravańnia i pieradačy dadzienych. Akramia taho, u biełaruskaj raspracoŭcy realizavanaja mahčymaść farmiravańnia dezynfarmacyjnych pieraškod bartavoj aparatury spadarožnikavaj navihacyjnaj sistemy GPS. Heta dazvalaje kiravać sistemaj navihacyi abjekta ŭ svaich intaresach, adznačyli pradstaŭniki «KB «Radar».