Iłan Mask zaniaŭsia padłučeńniem mozhu da kampjutara
Zasnavalnik Tesla i SpaceX Iłan Mask stvaryŭ karparacyju Neuralink dla stvareńnia interfiejsu «mozh-kampjutar». Pra heta daznaŭsia The Wall Street Journal, sam Mask paabiacaŭ dać bolš infarmacyi ab kampanii na praciahu tydnia.
Suzasnavalnik Neuralink Maks Chodak rastłumačyŭ, što pakul kampanija znachodzicca ŭ «začatkavym» stanie. Pry hetym jašče ŭ žniŭni 2016 hoda Mask pisaŭ u tvitary, što jany «dasiahnuli prahresu pa «niejronnym karunku» i płanujucu vystupić z aficyjnaj zajavaj pra svaju pracu na praciahu niekalkich miesiacaŭ.
Detalaŭ ab pracy novaj kampanii Maska pakul niama, ale raniej sam jon razvažaŭ na temu pramoha padłučeńnia da kary hałaŭnoha mozhu. Sama Neuralink zarehistravanaja ŭ katehoryi «miedycynskija daśledavańni» ŭ Kalifornii ŭ lipieni 2016 hoda.
Jak vyśvietliła WSJ, u apošni čas novaja kampanija pryciahnuła śpiecyjalistaŭ pa hnutkich elektrodach (vykarystoŭvajucca dla sčytvańnia mazhavoj aktyŭnaści) i vyvučeńni pryncypu kiravańnia rucham u mozhu čałavieka.
Krynicy vydańnia taksama raspaviali, što Neuralink moža zaniacca stvareńniem impłantaŭ dla pacyjentaŭ z epilepsijaj abo šyrokaj depresijaj. Mask aceńvaŭ terminy stvareńnia mazhavoha interfiejsu ŭ čatyry-piać hadoŭ.
Daśledavańniami ŭ halinie padłučeńnia mozhu da kampjutara taksama zajmajecca Facebook i Minabarony ZŠA. Vajennaje viedamstva vyrašyła ŭkłaści 60 miljonaŭ dalaraŭ u technałohii ŭkaranieńnia ŭ mozhu interfiejsa.