Žurnalist Alaksandr Barazienka abviaściŭ haładoŭku
Asudžany ŭčora na 15 sutak žurnalist telekanała «Biełsat» Alaksandr Barazienka abjaviŭ haładoŭku ŭ znak pratestu ź niezakonnym pieraśledam. Uvieś čas aryštu Barazienka maje namier admaŭlacca ad ježy.
Źniavoleńniem Barazienku pakarała sudździa Maskoŭskaha rajonnaha suda Minska Taćciana Motyl, nieadnarazova zaŭvažanaja u palityčnych represijach. Aryšt Barazienka i inšyja asudžanyja žurnalisty budzie adbyvać u staličnym Centry izalacyi pravaparušalnika.
Taksama na Akreścina adbyvajuć aryšt žurnalisty Maryna Kastylančanka (15 sutak), Siarhiej Kijko (12 sutak), Raman Pratasievič (10 sutak) i Dzianis Ivašyn (5 sutak). Zaklikajem dasyłać im listy i telehramy ŭ znak padtrymki.
Davajcie padtrymajem kaleh!
Listy i telehramy asudžanym možna słać na adras: 220089, h.Minsk, 1-šy zav.Akreścina, 36, Centr izalacyi pravaparušalnikaŭ.
Telehramu možna adpravić sa stacyjanarnaha telefona praz karotki numar 166.
Taksama ŭ Viciebsku pad aryšt patrapili siabry HA «Biełaruskaja asacyjacyja žurnalistaŭ» Leanid Śviecik (15 sutak), Kanstancin Mardźvincaŭ (15 sutak) i Arciom Sizincaŭ (10 sutak). Dasyłać listy i telehramy možna na adras: 210038, h.Viciebsk, Maskoŭski pr-t, 59A, Izalatar časovaha utrymańnia.