Messenger dazvolić dzialicca svaim miescaznachodžańniem anłajn
Z 27 sakavika Facebook pačaŭ dadavać u Messenger novuju funkcyju — mahčymaść dzialicca svaim miescaznachodžańniem ź siabrami ŭ režymie anłajn.
Abmien miescaznachodžańniem praz Messenger staŭ mahčymy jašče ŭ 2015 hodzie. Ale hetaja funkcyja praduhledžvała tolki adpraŭku statyčnaj adzinočnaj łakacyi, biahučaj u momant adpraŭki paviedamleńnia. U svaju čarhu novaja funkcyja budzie dasyłać miescaznachodžańnie karystalnika ŭ režymie realnaha času.
Funkcyja apcyjanalnaja: dastatkova dasłać siabru svaju łakacyju, i jon zmoža nazirać za vami na praciahu 60 chvilin. Messenger taksama pakaža vašamu siabru pryblizny čas, za jaki jon zmoža dabracca da vas na aŭtamabili. Zvarotny adlik pakazvaje, kolki chvilin jašče telefon budzie dasyłać vašu łakacyju. Pry nieabchodnaści možna nie čakać 60 chvilin, a adklučyć funkcyju daterminova.
Akramia Facebook, padobnuju funkcyju zapuścili Google Maps, a taksama Iphone u svaim miesiendžary.
Novaja funkcyja była hatovaja ŭžo letaś u kastryčniku i testavałasia ŭ Mieksicy. 5-miesiačnaja zatrymka va ŭkaranieńni była źviazanaja z žadańniem aptymizavać spažyvańnie enierhii mabilnym dadatkam.