Dziaŭčyna z fota, jakuju viadzie amapaviec: «Ja išła spakojna, bo viedała, što ničoha kiepskaha nie zrabiła. Ni suprać ludziej, ni suprać krainy»
U niadzielu, 26 sakavika, padčas akcyi na Kastryčnickaj płoščy była zatrymanaja dziaŭčyna. Jaje zdymak, zrobleny fatohrafam AP Siarhiejem Hrycom, ablacieŭ internet. Ludziej uražvała nakolki spakojna i z unutranaj hodnaściu išła ŭ aŭtazak.
Potym ničoha nie było viadoma pra jaje los, ci jaje pakinuli na Akreścina, ci adpuścili. «Naša Niva» znajšła hetuju dziaŭčynu. Jaje zavuć Alena (proźvišča paprasiła nie nazyvać), joj 19 hadoŭ, vučycca ŭ adnym z tvorčych VNU stalicy.
«Zatrymali biez prymianieńnia fizičnaj siły, vieźli ŭ adzinočkach. Viečaram adpuścili. Išła ja spakojna tamu što viedała, ničoha drennaha nie ździejśniła suprać ludziej abo krainy», — skazała Alena.