Pra što budzie pisać pieršy ŭ «DNR» žanočy časopis?
Na dniach u Makiejeŭcy prezientavali debiutny hlancavy časopis dla žančyn samaabvieščanaj narodnaj respubliki pad nazvaj «Čatyry siezony».
Viečarynu ŭ honar takoj padziei zładzili pyšnuju: z arkiestram skrypačak i opiernymi śpiavačkami. Niahledziačy na toje, što heta tolki pačatak pracy časopisa, usioj redkalehii ŭžo ŭručyli padziaki ad kiraŭnika horada «za patryjatyzm i navatarskija idei, układ u raźvićcio miedyjaprastory respubliki».
Nabor rubryk u časopisie tradycyjny. Na 128 staronkach apisvajuć zdarovaje charčavańnie, adzieńnie, vychavańnie dziaciej i h. d. Ale, jak adznačyła redaktar Natalla Chrustalova, hałoŭnaje ich adroźnieńnie ad inšaha hlancu budzie ŭ tym, što «kab stać hierainiaj publikacyi, nie treba być madellu, aktrysaj, žonkaj aliharcha. U nas heta zusim nieabaviazkova. Pierš za ŭsio treba być žančynaj».
Uvosień paviedamlałasia pra stvareńnie ŭ «DNR» ułasnych kampjutarnych hulniaŭ, pryśviečanych vajennym dziejańniam u Danbasie.