U žychara Navapołacka znajšli bombu. Mahčyma, jon płanavaŭ terakt u Hiermanii
Siłaviki ŭziali pad śledstva žychara Navapołacka, jaki vyrabiŭ samarobnaje vybuchovaje prystasavańnie. Jano anałahičnaje tamu, što ŭzryvaŭ u Minsku ŭ 2008-m kala steły i ŭ 2011-m u mietro Dźmitryj Kanavałaŭ.
Pra heta paviedamlaje «Sovietskaja Biełoruśsija» sa spasyłkaj na kiraŭnika HUBAZiK MUS Mikałaja Karpiankova.
Viadoma, što biełarus niekalki hadoŭ pražyvaŭ u Hiermanii, pryniaŭ isłam i ŭziaŭ musulmanskaje imia, prytrymlivajecca radykalnych pohladaŭ.
«Jość usie padstavy mierkavać, što jon płanavaŭ viarnucca ŭ FRH i zładzić terakt na niamieckaj terytoryi», — piša «Sovietskaja Biełoruśsija».