Tadžykskich milicyjantaŭ abaviazali raz na miesiac naviedvać teatr
Ministr unutranych spraŭ Tadžykistana Ramazon Rachimzada vydaŭ rasparadžeńnie, jakim abaviazaŭ usich supracoŭnikaŭ orhanaŭ unutranych spraŭ krainy nie radziej za raz na miesiac naviedvać teatr, paviedamlaje Interfaks.
mvd.tj
«Pryniataje rašeńnie ab tym, kab asabovy skład choć by raz u miesiac naviedvaŭ teatr. Hetaje rasparadžeńnie datyčycca ŭsich supracoŭnikaŭ, niezaležna ad taho, u jakim rehijonie krainy jany prachodziać słužbu», — paviedamiŭ načalnik pres-słužby MUS Umardžani Emamali.
Jon adznačyŭ, što rasparadžeńnie nakiravanaje na pavyšeńnie kulturnaha ŭzroŭniu supracoŭnikaŭ pravaachoŭnych orhanaŭ.
Rasparadžeńnie ministra było vydadzienaje paśla taho, jak na minułym tydni Rachimzada u składzie delehacyi MUS naviedaŭ śpiektakl «Čarchi hardon» («Koła losu») Nura Tabarava ŭ staličnym teatry imia Abułkasima Łachuci.
Raniej kiraŭnik MUS rasparadziŭsia ab abaviazkovaj fizičnaj padrychtoŭcy ŭsich supracoŭnikaŭ orhanaŭ unutranych spraŭ krainy.