Radziviła sudziać, astatnich zatrymlivajuć
U Maskoŭskim sudzie Miensku pačaŭsia sudovy praces nad Juryjem Radziviłam, aktyvistam prezydenckaj kampanii A.Kazulina. 2 sakavika supracoŭnik specsłužbaŭ stralaŭ pa aŭtamabili, u jakim Radzivił adjaždžaŭ u pastarunku, dzie ŭtrymlivali Kazulina.
U Maskoŭskim sudzie Miensku pačaŭsia sudovy praces nad Juryjem Radziviłam, aktyvistam prezydenckaj kampanii A.Kazulina. 2 sakavika supracoŭnik specsłužbaŭ stralaŭ pa aŭtamabili, u jakim Radzivił adjaždžaŭ u pastarunku, dzie ŭtrymlivali Kazulina. Paśla padadzienaj Radziviłam u prakuraturu zajavy pra ŭžyvańnie zbroi KDB zatrymała jaho samoha: paciarpiełaha źyvinavacili, što jon stvaryŭ pahrozu žyćciu rabotniku milicyi. Aktyvistu pahražaje da 6 hadoŭ turemnaha źniavoleńnia.
Pierad pačatkam pracesu kala budynku sudu dziažuryli ludzi ŭ cyvilnym, jakija nie padpuskali da budynku žurnalistaŭ, a taksama tych, chto pryjšoŭ padtrymać Radziviła. Niadaŭna vyzvalenaha moładzievaha aktyvista Źmtra Kaśpiaroviča chacieli zatrymać za najaŭnaść znački «Za svabodu». Pravaachoŭniki zatrymali Kryścinu Šacikavu, Juliju Haračku, Źmitra Daškieviča i Artura Fińkieviča.
Ahułam zatrymali kala 10 čałaviek, usich zatrymanych vyvieźli ŭ aŭtazaku. Fotažurnalistam nie davali zdymać zatrymańni: bili pa fotakamerach.
AŠ