Chronika supracivu i represij za 8—15 traŭnia
9 traŭnia: zatrymańni na fłešmobach
Mienskich studentaŭ Vitala (jurkaledž), Alenu (BNTU), Andreja (BDEU) zatrymali milicyjanty i supracoŭniki ŭ cyvilnym padčas vinšavańnia veteranaŭ u parku Horkaha: ad ich patrabavali pakazać dazvoł na akcyju. U apornym punkcie ŭ ich pravieryli dakumenty dy adpuścili praz 15 chvilinaŭ.U Mahilevie čatyroch maładych sacyjał-demakrataŭ (Śviatłana i inš.), jakija mielisia vinšavać veteranaŭ, zatrymali za bieł-čyrvona-biełyja stužki j znački «Svaboda». Pratakołaŭ zatrymańnia nie składali.
Uviečary milicyjanty zatrymali 22 udzielnikaŭ fłešmobu, jakija mielisia prajści z zapalenymi śviečkami ad cyrku da Płoščy Pieramohi, kab ušanavać pamiać veteranaŭ.
10 traŭnia: «Žyvie Biełaruś» na šyldzie pasolstva ŭ Maskvie
Stała viadoma, što kryminalnaja sprava ab źniknieńni Jurja Zacharanki padoŭžanaja da 24 červienia.U Maskvie 23-hadovy hramadzianin Biełarusi Ivaniukovič na šyldzie pasolstva Biełarusi ŭ Rasiei na Marasiejcy napisaŭ čornym markieram «Žyvie Biełaruś!» i «BT chłusić». Na jaho zaviali kryminalnuju spravu za «vandalizm», ale adpuścili pad padpisku pra niavyjezd. Chłopiec pracuje technolaham u stalarnaj kampanii.
Kala płoščy Kalinoŭskaha (Kastryčnickaj) u Miensku zatrymany staršynia AHP Anatol Labiedźka: jaho zavieźli ŭ milicyju pierad akcyjaj pamiaci Jurja Zacharanki. Pierad akcyjaj zatrymali Juliju Haračku, a taksama moładzievuju aktyvistku Luboŭ Kučynskuju. Hetuju AMAPaŭcy źbili, dy tak, što jana trapiła ŭ špital z hipertaničnym kryzam. Padčas samoj akcyi zatrymanyja Barysievič, Hryšenia, Źmicier Panfiłaŭ, Kryścina Šacikava, Taciana Dziadok, Volha Žuraŭlova, Hienadź Kołtun, Siarhiej Łysy, Kanstancin Vusianok, Źmicier Šaŭlukievič, Sablukievič, Andrej Kim, Vital Simanovič, Alaksandar Savin, Pavał Paŭłoŭski.
11 traŭnia: sudy za ŭlotki, pieratrus u Chilmanoviča
U Homieli 20-hadovaja moładzievaja aktyvistka Aksana Sierhijenka, aryštavanaja na 15 sutak za raspaŭsiud 1 traŭnia ŭlotak u abaronu pravoŭ pracoŭnych, abvieściła haładoŭku. Jaje zasudzili 6 traŭnia za «chulihanstva».U Viciebsku 11 traŭnia pačaŭsia praces suprać žurnalista Vadzima Barščeŭskaha. Jaho sudziać za znojdzienyja 31 sakavika ŭ aŭtamabili 25 tys. ulotak «Narodny kantrol» pra padziei na płoščy Kalinoŭskaha (Kastryčnickaj) u Miensku. Sud, adnak pieraniesieny na 22 traŭnia, bo nie pryjšli milicyjanty-śviedki.
U kvatery ŭ haradzienskaha pravaabaroncy j žurnalista Ŭładzimiera Chilmanoviča adbylisia pieratrusy, sankcyjavanyja prakuroram Mienskaj prakuratury ŭ ramkach kryminalnaj spravy «Partnerstva». Supracoŭniki KDB kanfiskavali kamputarnuju techniku j dakumenty HA «Fond imia Lava Sapiehi». Paśla hetaha inšaja hrupa supracoŭnikaŭ KDB zapatrabavali, kab žurnalist prysutničaŭ na pieratrusie inšaj pryvatnaj kvatery (u ramkach toj samaj spravy), dzie taksama kanfiskavali kamputarnuju techniku, jakaja naležała Chilmanoviču j Viktaru Sazonavu.
Supracoŭnik KDB Andrej Kazhanka sprabavaŭ uručyć bieraściejskaj aktyvistcy Palinie Panasiuk pozvu da śledčaha Ju.Hara. Dziaŭčyna nie adčyniła dźviery,a paprasiła pasłać joj pozvu poštaj.
Žurnalistcy «Haziety Słonimskaj» Volzie Šynkievič načalnik inspekcyi pryrodnych resursaŭ i achovy navakolnaha asiarodździa Słonimu i Słonimskaha rajonu Mikałaj Dziehciaroŭ admoviŭsia pradastavić infarmacyju.
12 traŭnia: try miesiacy aryštu Sasimu
U Baranavičach moładzievaha lidera Mikitu Sasima prysudzili da 3 miesiacaŭ aryštu za «ŭchileńnie ad vajskovaj słužby». Da sudu Mikita adbyŭ 2 miesiacy ŭ Baranavickim SIZA, jamu zastałosia dabyć za kratami 1 miesiac.AMAPaŭcy nie davali stajać kala turmy na Akreścina ŭ Miensku demakratyčnym aktyvistam, jakija pryjšli sustreć vychad ź viaźnicy Alaksandra Milinkieviča, Alaksandra Buchvostava, Źmitra Daškieviča. Paśla sustrečy byli zatrymanyja Maciej Čyścik, Taciana Kamkar, Uładzisłaŭ Pietrušenka, Illa Bohdan, Aŭhien Šadko, K.Vusianok, Dzianis Aparovič, Iryna Zavadzkaja, Alaksiej Kazulin, Nasta Čachaŭskaja, Saša Sajfulina, Siarhiej Saroka, Alaksiej Mikulčyk, Antoś Kalinoŭski, Kryścina Sarpajeva.
U Bieraści milicyjanty spynili na vulicy Andreja Lubienčuka, na zaplečniku jakoha była nalepka «Svaboda!»: u jaho z zaplečnika skanfiskavali 58 takich nalepak i skłali pratakoł za raspaŭsiud drukavanaj pradukcyi biez vychodnych źviestak.
Kiraŭnicu RHA «Biełaruski Chelsynski kamitet» Tacianu Proćku nia vypuścili ŭ Berlin dla vystupu pra sytuacyju z pravami čałavieka ŭ Biełarusi: dazvolny štamp u pašparcie skasavali, kanfiskavali hadavy dakład BCHK, videafilm pra vybary prezydenta j inšyja materyjały.
U Žłobinie zatrymali 5 moładzievych aktyvistaŭ z Žłobina j Homiela (Edvard Zielankoŭ i inš.), jakich źvinavacili ŭ raspaŭsiudzie drukavanaj pradukcyi biez vychodnych źviestak.
Sud Pieršamajskaha rajonu Miensku apraŭdaŭ lidera BSDH Stanisłava Šuškieviča, jakoha vinavacili ŭ aktyŭnym udziele ŭ akcyi salidarnaści z palitviaźniami 1 traŭnia.
Padčas fłeš-mobu z marozivam na płoščy Kalinoŭskaha (Kastryčnickaj) u Miensku zatrymanyja kala 10 udzielnikaŭ.
Prakuratura Centralnaha rajonu Miensku admoviła Viačasłavu Siŭčyku ŭ pačatku kryminalnaj spravy pa fakcie jaho vykradańnia i zamachu na zabojstva, abhruntavaŭšy heta adsutnaściu hramadzka niebiaśpiečnaha dziejańnia.
U Babry zatrymali mastaka Alesia Puškina: jaho padazrajuć u ablivańni farbaj pomnika savieckamu śmieršaŭcu Vasilu Čabatarovu, jaki zapomniŭsia žycharam Babra ŭ vajnu jak padpalščyk chataŭ. Doma ŭ Puškina praviali pieratrus, skanfiskavali knihi Zianona Paźniaka, padšyŭku «Našaj Nivy», časopis «Arche». Vypuścili mastaka tolki 15 traŭnia.
14 traŭnia: zatrymany Pałubiatka
Padčas śviatkavańnia aficyjnaha Dnia dziaržaŭnaha ściaha i hierba ŭ Mastach milicyjanty zatrymali aktyvista BSDP (H) Jazepa Pałubiatku za raspaŭsiud ulotak (z vychodnymi źviestkami) u padtrymku źniavolenaha Aklaksandra Kazulina. 5 aficeraŭ milicyi admovilisia składać na Pałubiatku pratakoł, pahadziŭsia šosty – maładzieńki lejtenant.U Salihorsku moładzievyja aktyvisty ŭźniali nacyjanalny ściah. Milicyjanty ŭ cyvilnym zatrymali śviedku akcyi Ŭładzimiera Harelikava j trymali jaho ŭ pastarunku 4 hadziny, udzielnika akcyi Ŭładzimiera Šyłu sprabavali zatrymać.
15 traŭnia: Levanieŭski na svabodzie
AHP na 15 traŭnia atrymała kala 20 admovaŭ na prośbu dać pamiaškańnie, kab pravieści 28 traŭnia čarhovy Ch źjezd partyi. U krajnim razie partyja hatovaja pravieści źjezd pa-za miežami krainy.Homielskich aktyvistaŭ AHP Andreja i Kaciarynu Tołčynych administracyjnaja kamisija Savieckaha rajonu aštrafavała na 5 bazavych vieličyniaŭ kožnaha za raspaŭsiud 24 krasavika ŭlotak pra zabaronu abłvykankamam čarnobylskaha mitynhu z udziełam Alaksandra Milinkieviča. Pasiedžańnie kamisii adbyłosia zavočna, pastanovu Tołčyny atrymali poštaj.
Kiraŭnictva kalonii «Vićba-3» admoviłasia pieradać palitviaźniu Siarhieju Skrabcu leki ad alerhii.
Alaksandru Kazulinu vystaŭlenaje kančatkovaje abvinavačańnie: jaho vinavaciać u złosnym chulihanstvie 2 sakavika j arhanizacyi vuličnych biesparadkaŭ 25 sakavika. Palityku pahražaje da 6 hadoŭ pazbaŭleńnia voli.
Sud Homielskaha rajonu admoviŭ aktyvistu prafsajuzu REP Alaksandru Jeŭsiejčuku ŭ pazovie na abaronu honaru i hodnaści na adras dyrektara aŭtaparku №1 Chadakoŭskaha. Prafsajuz padaŭ dokazy abrazaŭ Chadakoŭskaha na adras Jeŭsiejčuka, adnak sud pryniaŭ bok adkazčyka. Adna ź śviedak z boku dyrektara na sudzie zajaviła, što ŭ jaje čaćviora dziaciej, što jana choča pracavać u aŭtaparku, tamu ničoha havaryć nia budzie.
Vyjšaŭ na volu paśla dvuch hadoŭ źniavoleńnia palitviazień Valery Levanieŭski.
U Viciebsku na 1 b.v aštrafavali moładzievaha aktyvista Vitala Broŭku, abvinavačanaha ŭ drobnym chulihanstvie. Pavodle hetaha abvinavačańnia Broŭku j jahonaha siabar Antona Erdmana ŭžo karali: 23 sakavika ich zatrymali ŭ Miensku, pryvieźli pad kanvojem u Viciebsk, dzie jany byli 3 sutak u izalatary.
Pačaŭsia sudovy praces za «źniavahu rabotnika milicyi» nad viciebskim moładzievym aktyvistam Ściapanam Cišucinym: jaho zatrymali 14 traŭnia, skłali pratakoł za drobnaje chulihanstva i źmiaścili ŭ IČU. Na sudzie Cišucin zapatrabavaŭ advakata. Sudździa pahadziłasia dać jamu čas na pošuk abaroncy, ale milicyjanty znoŭ zavieźli jaho ŭ izalatar. Tady Cišucin źviarnuŭsia z chadajnictvam pra vyklik dadatkovych śviedkaŭ, i praces byŭ pieraniesieny na 17 traŭnia.
Nia zmoh dabicca adnaŭleńnia na pracy praz sud zvolnieny 17 sakavika aktyvist KCHP BNF Kastuś Kašel – supracoŭnik dziaržaŭnaha ŭnitarnaha pradpryjemtva «Ŭnikaštmet BDU».
Aktyvist Svabodnaha prafsajuzu Jury Ryžkoŭ 24 sakavika zvolnieny, pa słovach kiraŭnictva, za nienaležnaje vykanańnie abaviazkaŭ, ale z aficyjnaj farmuloŭkaj «pa damoŭlenaści bakoŭ» (pracavaŭ hruzčykam u kramie «Nadzieja» ŭ Miensku). Padčas kampanii administracyja kramy dvojčy papiaredžvała jaho za ahitacyju na pracoŭnym miescy.
AŠ