Vielmi mechaničny kapuśnik
Kino ŭ Miensku: «Duža strašnaje kino 4» (Scary Movie 4)
Marsijanie zachapili Ziamlu. I tolki pryvid maleńkaha chłopčyka viedaje, jak pazbavicca ad čužyncaŭ. Blandynka-siadziełka j kranaŭščyk-»daŭn» viaduć ciažkoje zmahańnie…
ZŠA, 2006, kalarovy, 83 chv.
Žanr: Parodyja na filmy žachaŭ
Adznaka: 4 (z 10)
Marsijanie zachapili Ziamlu. I tolki pryvid maleńkaha chłopčyka viedaje, jak pazbavicca ad čužyncaŭ. Blandynka-siadziełka j kranaŭščyk-»daŭn» viaduć ciažkoje zmahańnie…
U čarhovuju seryju ździekaŭ z trymcieńnikaŭ mechanična panakidanyja «Vajna suśvietaŭ», «Piła», «Tajamničy les», «Praklon» i amerykanskija telešoŭ. Znajšłosia miesca dla «Harbataj hary» i stužak Mura, jakija pałochali hledačoŭ Bušam i kaŭbojami-hiejami.
Amataram «Monci Pitona» i brytanskaha humaru film hladzieć zabaroniena. Śmiech Džery Cukiera farsava-dubałomny j dachodlivy, jak udar čamadanam pa hałavie.
Ale mienavita heta j robić kasu. Dadatkovaja asałoda dla publiki – adhadvać, ź jakoha filmu chachmiać. Niachitry kapuśnik nia robić hetuju zadaču ciažkoj.
Andrej Rasinski