Blizu aeraporta Damaska adbyŭsia mahutny vybuch
Mahutny vybuch razdaŭsia ŭ čaćvier ranicaj u rajonie mižnarodnaha aeraporta Damaska. Pa słovach vidavočcaŭ, vybuch byŭ čutny ŭ siryjskaj stalicy za 30 kiłamietraŭ ad miesca zdareńnia.
Pryčyny i nastupstvy incydentu pakul nieviadomyja. Paviedamlajecca taksama ab mocnym pažary.
Jak pieradaje padkantrolny prairanskamu ruchu «Chiezbała» livanski telekanał «Al-Manar», uzarvalisia schoviščy paliva i składy kala aeraporta.
Imaviernaj pryčynaj vybuchu staŭ udar izrailskaj avijacyi, śćviardžaje «Al-Manar».
Pavodle infarmacyi livanskaha telekanała, vybuch pryčyniŭ tolki materyjalny ŭron, achviaraŭ niama.