Makiej: Nikomu nie ŭdasca pasvaryć Biełaruś i Rasiju va ŭhodu mierkantylnym intaresam
Nikomu nie ŭdasca pasvaryć pryjaznyja Biełaruś i Rasiju va ŭhodu mierkantylnym intaresam. Pra heta havorycca ŭ artykule ministra zamiežnych spraŭ Uładzimira Makieja ŭ časopisie «Biełaruskaja dumka», pryśviečanym 25-hodździu źniešniaj palityki niezaležnaj Biełarusi, paviedamlaje BiełTA.
Uładzimir Makiej adznačyŭ, što, na žal, raznapłanavyja padziei i pracesy, jakija adbyvajucca ŭ rehijonie (ukrainski kryzis, uzajemnyja sankcyi pamiž Rasijaj i ES i inš.) nakładvajuć adbitak i na biełaruska-rasiejskija adnosiny. «U čym heta prajaŭlajecca? U tym, što niekatoryja palityki, anhažavanyja ŚMI i ekśpierty sprabujuć kultyvavać u rasiejcaŭ imidž Biełarusi jak «nachlebnika Rasii». Naturalnaje imknieńnie Minska narmalizavać adnosiny ź ES i ZŠA, nablizicca choć by da taho ŭzroŭniu supracoŭnictva z Zachadam, jaki isnuje ŭ Rasijskaj Fiederacyi i inšych postsavieckich krain, traktujecca jak «sychod Biełarusi na Zachad», nienaležnaje vykanańnie sajuznych abaviazacielstvaŭ. Časta štučna stvarajucca prablemy ŭ śfierach handlova-ekanamičnaha, paliŭna-enierhietyčnaha, pryhraničnaha i inšaha ŭzajemadziejańnia», — rastłumačyŭ jon. «Adnak i ŭ kiraŭnictva, i ŭ narodaŭ Biełarusi i Rasii jość ŭnutranaje pierakanańnie, što ŭsia hetaja piena ŭ čarhovy raz schłynie, što nikomu nie ŭdasca pasvaryć siabroŭskija dziaržavy va ŭhodu mierkantylnym intaresam, razarvać intehracyjnyja suviazi, jakija nie majuć anałahaŭ na postsavieckaj prastory. U pieršuju čarhu havorka idzie ab Sajuznaj dziaržavie», — padkreśliŭ Uładzimir Makiej.
Ministr źviarnuŭ uvahu, što za hady karpatlivaj pracy adnoŭlena ahulnaja prastora ad Bresta da Uładzivastoka, na jakoj biełarusy i rasijanie majuć u cełym roŭnyja pravy ŭ śfierach pracaŭładkavańnia, adukacyi, saczabieśpiačeńnia, miedycyny, nabyćcia žylla, viadzieńnia biznesu. «Hramadzianie volnyja ŭ svabodzie pieramiaščeńnia, vybary miesca žycharstva. Za košt srodkaŭ biudžetu Sajuznaj dziaržavy finansujecca šerah sajuznych prahram u roznych halinach: kosmas, infarmacyjnyja technałohii, mikraelektronika, sielskaja haspadarka, pieraadoleńnie nastupstvaŭ katastrofy na Čarnobylskaj AES», — havorycca ŭ artykule.
Kožnaje druhoje biełaruskaje pradpryjemstva ciesna źviazana z rasijskimi partniorami kaapieracyjnymi adnosinami. Aktyŭna raźvivajecca inviestycyjnaje supracoŭnictva. Siarod znakavych sumiesnych prajektaŭ — budaŭnictva Biełaruskaj AES u Astraŭcy.