Zaćvierdžana novaja forma daviedki, jakaja daje školnikam prava biaspłatnaha prajezdu ŭ hramadskim transparcie
U adpaviednaści z pastanovaj Minadukacyi ad 1 sakavika 2017 hoda zaćvierdžana novaja forma daviedki, jakaja daje školnikam prava biaspłatnaha prajezdu ŭ hramadskim transparcie, a taksama praviły rehistracyi takich daviedak. U nižnim levym kucie daviedki pavinien być uklejeny fotazdymak navučenca pamieram 40ch30 mm.
«Ciapier u školnaj daviedcy akramia infarmacyi pra miesca žycharstva školnika budzie i jaho fotazdymak. Takija źmieny ŭ dziejučuju pastanovu Minadukacyi ad 21.06.2012 № 67 uniesieny dla taho, kab daviedkaj nie karystalisia inšyja asoby. Chaču adznačyć, što prajezd dla dziaciej biaspłatny. Heta prava zamacavana pastanovaj Savieta Ministraŭ ad 16.02.2011 № 202, dzie prapisana, što dzieci majuć prava na biaspłatny prajezd na transparcie ad miesca žycharstva da miesca vučoby i nazad z 1 vieraśnia pa 30 červienia», — patłumačyła sajtu normativka.by načalnik upraŭleńnia ahulnaj siaredniaj adukacyi Minadukacyi Śviatłana Uklejka.
Što tyčycca prava na biaspłatny prajezd dla dziaciej, jakija naviedvajuć zaniatki ŭ muzyčnaj škole i zajmajucca ŭ siekcyjach, to pa hetym pytańni rašeńnie prymajuć miascovyja orhany ŭłady.