«Hazprom» zapatrabavaŭ ad «Naftahaza Ukrainy» jašče $5 miljardaŭ
U vyniku ahulnaja suma patrabavańniaŭ vyrasła da $37 miljardaŭ, tady jak hodam raniej jana aceńvałasia ŭ $ 31,759 młrd.
«Hazprom» pavialičyŭ sumu pradjaŭlenych da kampanii «Naftahaz Ukrainy» patrabavańniaŭ da $37 młrd, vynikaje sa spravazdačy kancerna, padrychtavanaj u adpaviednaści ź mižnarodnymi standartami finansavaj spravazdačnaści (MSFS).
«Udakładnienaja suma patrabavańniaŭ PAT «Hazprom» da NAK «Naftahaz Ukrainy» ŭklučaje patrabavańni pa apłacie zapazyčanaści za pastaŭleny ŭ mai-červieni 2014 hoda haz, apłatu pa abaviazacielstvie «biary-ci-płaci» za 2012-2016 hady, a taksama pieni za praterminoŭku apłaty hazu», — havorycca ŭ dakumiencie.
U pačatku 2017 hoda paviedamlałasia, što «Hazprom» vystaviŭ «Naftahazu» za druhi-čaćviorty kvartały 2016 hoda rachunak na za $ 5,3 miljardaŭ na apłatu hazu, jaki byŭ zakantraktavany na minuły hod, ale nie vybrany.