U Minsku źjaviŭsia biełaruskamoŭny muziej maroziva FOTY
4 maja ŭ Galleria Minsk pačaŭ pracu interaktyŭny muziej maroziva «Bieły polus». 10 ton prysmakaŭ, haj z eskimo ŭ čałaviečy rost, mini-fabryka pa vytvorčaści marožanaha i jašče bolš za paŭsotni ekspanataŭ, a taksama maroziva ŭ padarunak čakaje ŭsich naviedvalnikaŭ muzieja.
Usie naviedvalniki muzieja zmohuć pabyvać u kopii kafe-maroziva, jakoje było adkryta ŭ Paryžy ŭ 1860 hodzie, pahladzieć, jak vyhladaŭ samy vialiki płambir u śviecie, apynucca na fabrycy, dzie robiać adnajmiennaje maroziva «Bieły polus», i, viadoma, šmat dehustavać.
Usie šyldy z histaryčnymi daviedkami napisanyja na biełaruskaj i ruskaj movach.
Ekskursija viałasia na rodnaj movie.
Muziej «Bieły polus» budzie pracavać na praciahu troch miesiacaŭ — z 5 maja pa 31 lipienia. Košt kvitka — 5 rubloŭ dla darosłych i 3 rubli dla dziaciej. U hety košt taksama ŭvachodzić maroziva, jakoje ŭsie naviedvalniki buduć atrymlivać na ŭvachodzie. Pa słovach arhanizataraŭ, muziej stanie miescam nie tolki dla ekskursij, ale jašče i dla majstar-kłasaŭ, adukacyjnych lekcyj i viečarynak.
Na prezientacyi prysutničała śpiavačka Volha Saciuk.
Pakoj dla sełfi i łukaŭ.
Adras: pr. Pieramožcaŭ, 9, HRC Galleria Minsk, 6 pavierch.
Čas pracy: štodnia z 10.00 da 22.00.