Rasijskija centry ŭ Minsku, Breście i Homieli buduć razdavać hieorhijeŭskija stužki
Prarasijskaja arhanizacyja «Ruś maładaja» anansavała miescy, dzie napiaredadni 9 Maja buduć razdavacca hieorhijeŭskija stužki. Arhanizacyju «Ruś maładaja» ŭznačalvaje «vołchv» nieapahanskaj słavianskaj siekty Siarhiej Łušč.
Razdačy buduć adbyvacca ŭ ramkach imidžavaj akcyi «Hieorhijeŭskaja stužka», jakuju Rasija pravodzić pa ŭsim śviecie.
Admietna, što razdača hieorhijeŭski stužak budzie adbyvacca ŭ Rasijskich centrach navuki i kultury, što mieściacca ŭ Minsku, Breście i Homieli. U Minsku ich možna budzie taksama atrymać na ofisie «Rusi maładoj». A ŭ Hrodnie 7-8 maja ŭ ramkach Fiestyvala słavianskich bajavych mastactvaŭ.
Hieorhijeŭskaja stužka stała simvałam rasijskaj ahresii na ŭschodzie Ukrainy. Mienavita jaje čaplali na svajo adzieńnie bajeviki, jaki stvarali «DNR» i «ŁNR».
U Biełarusi zamiest hieorhijeŭskaj stužki była prydumanaja svaja — jabłynievy ćviet. Ź joj na śviaty vychodzić vyšejšaje kiraŭnictva krainy, a taksama supracoŭniki dziaržaŭnych ustanovaŭ.