U Hrodnie dva kiroŭcy nie padzialili parkoŭku: «Kacisia ŭ svaju Maskvu…» VIDEA
U Hrodnie na parkoŭcy mužčyna raźbiŭ bałonnym klučom łabavoje škło ŭ aŭtamabili. Videa incydentu dasłaŭ AUTO.TUT.BY paciarpieły Uładzimir.
Pa słovach mužčyny, incydent adbyŭsia dniom 4 maja na parkoŭcy hipiermarkieta «Ałmi». Paśla taho, jak kiroŭca BMW zaniaŭ parkovačnaje miesca, na jakoje pretendavaŭ Uładzimir, pačałasia svarka.
Potym kiroŭca BMW vyjšaŭ z aŭtamabila, dastaŭ bałonny kluč i niekalki razoŭ udaryŭ pa łabavym škle i kryknuŭ: «Kacisia ŭ svaju Maskvu».
«Ja ŭ šoku ad taho, što adbyvajecca. Rodam z Hrodna, ciapier žyvu ŭ Maskvie i mašyna na rasijskich numarach, a adčuvańnie, što nieviadoma kudy trapiŭ. Pryjechaŭ u rodny horad! — emacyjna raspaviadaje Uładzimir. — Na stajancy było šmat śviedak, ja spadziajusia, što chto-niebudź dapamoža znajści ŭładalnika BMW».
Paśla incydentu kiroŭca BMW chutka źjechaŭ. Uładzimir prosić adhuknucca śviedkaŭ zdareńnia.