Kiraŭnictva ČS pa chakiei ŭ Paryžy paprasiła prabačeńnia ŭ biełaruskaj kamandy
Staršynia arhkamiteta čempijanatu śvietu pa chakiei ŭ Paryžy, prezident Fiederacyi chakieja Francyi Luk Tardyf i prezident Mižnarodnaj fiederacyi chakieja (IICHF) Rene Faziel vybačylisia pierad biełaruskimi chakieistami ŭ suviazi z vobšukam na paryžskim vakzale «Manparnas» 3 maja, paviedamili BiełTA ŭ Biełaruskaj fiederacyi chakieja.
AccorHotels Arena u Paryžy.
Fiederacyja chakieja Biełarusi atrymała aficyjny list, u jakim vykazvajucca słovy škadavańnia ŭ suviazi ź incydentam. Kiraŭnik IICHF Rene Fazel naviedaŭ siońnia treniroŭku zbornaj Biełarusi ŭ AccorHotels Arena u Paryžy i vykazaŭ słovy škadavańnia z nahody vobšuku biełaruskaj kamandy, adznačyŭšy, što raźbiralnictva z boku Mižnarodnaj fiederacyi chakieja ŭžo viadziecca. Taksama Rene Fazel pažadaŭ pośpiechu zbornaj Biełarusi.
Jak paviedamlałasia, 3 maja ŭ stalicy Francyi na čyhunačnym vakzale biełaruskaja kamanda padvierhłasia pilnamu vobšuku z boku palicyi. Nadhlad doŭžyŭsia kala 20 chvilin, paśla čaho zbornaja Biełarusi prajšła da siabie ŭ hatel.
Zbornaja Biełarusi startuje na suśvietnym forumie 5 maja sustrečaj u hrupie V suprać Finlandyi (17.15). Dalej biełaruskaja kamanda zhulaje 6 maja z Čechijaj (17.15), 8 maja — z Kanadaj (17.15), 10 maja — sa Šviejcaryjaj (17.15), 12 maja — z Francyjaj (21.15), 13 maja sustreniecca sa Słavienijaj (17.15), a zavieršyć vystupleńnie ŭ hrupavoj stadyi 16 maja z Narviehijaj (13.15). Hrupa A (Šviecyja, Rasija, ZŠA, Hiermanija, Łatvija, Danija, Słavakija, Italija) zhulaje ŭ Kiolnie. Čatyry lepšyja kamandy z kožnaj hrupy vyjduć u čverćfinał suśvietnaha forumu.