U Kitai prydumali prybor dla pomsty susiedziam — daŭbiłku
Toje, što susiedzi pierasoŭvajuć pa načach meblu, kidajuć na padłohu hiry, uklučajuć pierfaratar ranicaj u niadzielu, — prablema hłabalnaja. U Kitai prydumali techničny sposab pomsty susiedziam — daŭbiłku «Niemiezida».
Prybor nabiraje papularnaść, jaho kapijujuć: kali pieršyja daŭbiłki kaštavali bolš za 90 juaniaŭ, to ciapier ich možna nabyć u hałoŭnaj kitajskaj internet-kramie «Taabao» i za 42…82 juania — heta ŭsiaho 12…24 biełaruskija rubli.
Heta štuka macujecca da ściany abo stoli i manatonna dziaŭbie. U luby čas. Navat kali vas niama doma — jaje možna kantralavać z telefona, a jašče aparat zabiaśpiečany tajmieram.
Voś niekatoryja vodhuki kitajcaŭ — uładalnikaŭ daŭbiłki.
«Jany mianie vybiesili kančatkova: zładzili skandał paśla apoŭnačy! Nu kudy takoje ciarpieć? Kupiŭ!… Skandały spynilisia. Dumaju, hetyja ludzi stali bolš dobrymi adzin da adnaho!»
«Kupiŭ daŭbiłku, ale čamu maksimalny čas dziaŭbleńnia — 12 hadzin? Chaču dziaŭbci 24 na 7!»
«Kupiŭ. Uklučyŭ. Nie viedaju, ci budzie plon i što jany tam źvierchu ciapier čujuć, ale mnie na dušy ŭžo stała dobra!»
«Kupiŭ, saromiejusia ŭklučać. Sa mnoj niešta nie tak?»
U Minsku daŭbiłki, da radaści šumnych susiedziaŭ, nie pradajucca.